Jrespectives : 008

பனி படர் மலை ஏன் பிடிக்கிறது ? காரணம் மிக சுலபம். யாருமற்ற வெளி. அவ்வளவே.

யாருமற்ற வெளியில் இருக்கும் அமைதியும், அது கொடுக்கும் ” நாம் எல்லாம் ஒன்றுமே இல்லை ” என்பதும், ” உலகம் எவ்வளவு பெரியது ” என்பதும் தான் … அந்த அமைதியை இன்னும் ரசிக்க வைக்கிறது.

உத்தராகண்டில் – மலை ஏற்றத்தின் போது நான் எடுத்த புகைப்படம். என்னுடன் நடந்தவர்கள் முன்னேற நான் வேண்டும் என்றே கொஞ்ச நேரம் தாமதித்து, அதனால் கிடைத்த கோணத்தில் – இந்த புகைப்படம் எடுத்தேன். நீள் புள்ளிகளாய் தெரிவது மனிதர்கள் தான் !

சொந்த ஊரில் வீடு, நிலம், வாகனம், வங்கி இருப்பு என்று தலை கணத்துடன் நடந்து கொண்டிருப்பவனும் .. இங்கே Just ஒரு புள்ளியே. என்னுடன் பயணித்த ஒருவர் சொன்னார் ” சட்டென நமக்குள் இருக்கும் Ego அழிகிறதே .. அதற்காகவே இங்கே வர வேண்டும். பெரு வெளியில் நிற்கும் போது .. ” போனால் போகிறது என்று உன்னை உயிரோடு விட்டு வைக்கிறேன் ” என்று அது அமைதியாக பார்ப்பதில் இருக்கிறது வாழ்வின் சூட்சுமம் “என்று சிரித்தார்.

ஆம். இயற்கை நினைத்தால் நாம் ஒன்றுமே இல்லா கடந்த காலமாக மாறிப்போவோம். இயற்கையின் உருவம் அமைதியாய் இருப்பதால் மட்டுமே மனித உருவம் பேசுவது கேட்கிறது !

16000 அடி நடந்த பின் மைனஸ் 7 டிகிரி யில் சூரிய உதயம் பார்க்கும்போது தான் … இயற்கையின் பிரம்மாண்டம் .. எனக்கு புரிந்தது ..

” நாம் எல்லாம் ஒன்றுமே இல்லை. ஆனாலும் .. பெரும் ஆட்டம் போடுகிறோம் ”

யோசிப்போம். பயணிப்போம் .. அமைதியாக !