Jerspectives : 010

#100Photographs ; 008

#jerspectives

💐💐💐💐

ஊட்டியில் நான் எடுத்த புகைப்படம் இது. தூரப் பார்வையில் கண்ணை வசியப்படுத்த .. அழகாக இருந்த இந்த இயற்கை பக்கத்தை என்ன வார்த்தைகள் கொண்டு விவரித்தாலும் அது அதன் உயரத்தை அடைய வாய்ப்பிலை.

இயற்கையை நாம் ரசிக்கலாம். விவரிக்க முயற்சிக்கலாம். அவ்வளவு தான் செய்ய முடியும். நிறைய மனிதர்கள் இயற்கையை வாங்க முயற்சிப்பார்கள். ஒரு தோட்டம் கட்டிவிட்டு பண்ணை என்பார்கள். அவர்கள் சொல்லும் பண்ணைக்கு வெளியே ஒரு பெரும் வனமாக இயற்கை அமைதியாக நின்றுகொண்டு இருக்கும்.

நாம் கண்டுபிடித்த அத்துணை வார்த்தைகளையும் வைத்து ஒரு வனத்தை நம்மால் விவரிக்க முடியாது. வனம் பெரியது. உயர நிற்கும் மரங்கள் .. just உதாரணங்கள். ஒவ்வொரு மரத்திற்கு பின்னும் வனத்தின் பெரும் வரலாற்று நிகழ்வுகள் வேர் வரை பரவி இருக்கும். வனத்தை காக்கும் விலங்குகளும் அங்கேயே நின்று கொண்டு இருப்பதால் தான் நாம் வனத்திற்குள் செல்வதில்லை. வரலாறும் பெரியது. பாதுகாப்பும் பெரியது.

வனங்களை அழிக்க மனிதன் வெறும் முயற்சி மட்டுமே எடுக்கிறான். வனம் அழியாது. அதற்கு தன்னை தானே உயிர்ப்பிக்கும் வித்தை தெரியும். தன்னை தானே எரித்தாலும், வெள்ளத்தால் அழித்தாலும் .. அதுவாகவே மீண்டு எழும். மீண்டும் எழும். அதுதான் வனம். இயற்கையின் ஒரு விரல்.

ஆகவே ..

இந்தக் காட்சியை சமர்ப்பிப்பதுடன் எம்மை நிறுத்திக்கொள்கிறேன்.