Jerpsectives : 011

#100Photographs ; 009

#jerpsectives

💐💐💐

நிலமும் நீரும் சேரும் இடங்கள் அட்டகாசமனவை. நீரின் எல்லையில் நிலம் ஆரம்பிக்கிறது என்று பேசும் நமக்கு, நீர் மூன்று பங்கு/நிலம் ஓர் பங்கு என்று பேசும் நமக்கு, ஓர் ஆச்சர்யம் காத்திருக்கிறது. ஆம். நிலம் என்றுமே முடிவதில்லை. நிலம் 100 சதவிகிதம். அதன் மேல் தான் நீர் 66.66 சதவிகிதம். பார்வையில் நீர் இருப்பது போல தோன்றினாலும், ஆழில் முழுக்க இருப்பது நிலமே !

இந்திய சீன எல்லை, இந்திய பாகிஸ்தான் எல்லை, இந்திய பூடான் எல்லை, இந்திய இலங்கை எல்லை … இங்கே எல்லாம் நிலம் அப்படியே தான் இருக்கிறது. நாம் தாம் எல்லை வகுத்து நம்மை ஒரு சாராராகவும், மற்றவரை இன்னொரு சாராராகவும், பார்த்துக்கொண்டு சிரிக்கிறோம் அல்லது முறைக்கிறோம். வித்தியாசமான ஆறறிவு ஜீவிகள் நாம் !

விலங்குகள் அப்படியே வாழ்கின்றன. நிலம் நீர் எல்லை என்னுடையது உன்னுடையது என்று பிரித்துக்கொள்வதில்லை. தன் எல்லைக்குள் வந்தால் முறைப்பு காட்டிவிட்டு கடந்து விடுகின்றன. எல்லையையே மாற்றிக்கொள்கின்றன. பட்டா document என்றெல்லாம் பெருமை கொள்வதில்லை. மனிதர்களாகிய நாம் தாம் .. ?

யாதும் ஊரே யாவரும் கேளீர் சொன்ன நாம், ஜாதிகள் இல்லையடி பாப்பா என்று சொன்ன நாம், உலகமே நம்முடையது என்று சொன்ன நாம் .. இதையெல்லாம் யாருக்கோ சொல்லவில்லை .. நமக்குத்தான் சொல்லிக்கொள்கிறோம் – என்று தாமதமாகவே புரிந்துகொள்கிறோம்.

நிலம் தான் எங்கும். மீதம் எல்லாம் மேலே வாழும் உயிரினங்கள். நிலம் தான் முழு முதற் கடவுள். நிலமே வாழ்வின் இருப்பிடம். தத்துவம்.

( புகைப்படம் நாகர்கோவிலில் ஓர் நிலநிலையில் எடுக்கப்பட்டது ! )