Jerspectives : 012

முகமூடிகள் இருவகை.

1. உள்ளே குரூரம் / வெளியே நல்ல முகம்

2. வெளியே சாதாரண முகம் / உள்ளே மிகப் பெரும் சாதனையாளன்.

ஆச்சர்யமாக உலகம் 1 ஆம் முகமூடியை மிகவும் விரும்பி, பின் தெளிந்து, வாங்கி கட்டிக்கொள்கிறது. ஏன் இது இப்படி ? இந்த உலகின் மிக கடினமான வேலை – யோசித்தல். ஆகவே மனம் யோசிக்க விரும்புவதில்லை. Idle எனப்படும் ” எந்த இயக்கமமுமின்றி ” இருப்பதையே மனம் விரும்புவதால் யோசிக்காமல் கண்ணுக்கு முன் தெரிவதை எடுக்க விரும்புகிறது. எடுக்கிறது.

யோசிக்கும் முகம் அப்படி அல்ல. அமைதியாய் இருக்கிறது. இதற்கு பின்னும் என்னவோ இருக்கலாம் என்று அமைதி காக்கிறது. காலம் அந்த அமைதிக்கு காட்சிகளை வழங்குகிறது. அந்த காட்சிகளின் மூலம் அமைதி பாடங்களை படித்து வெற்றி பெறுகிறது. ஆனாலும் அமைதியாய் இருக்கிறது.

சில முகங்கள் ஒவ்வொரு நாளும் மாறிக்கொண்டே இருக்கும். இவை எதற்கும் சேர்த்தி அற்றவை. சில முகங்கள் மாற்றமே இல்லாது அப்படியே இருக்கும். இதுவும் எதிலும் சேர்த்தி அற்றவை. கண் எதிர் காட்சிகளின் பின்புலத்தில் இயங்கும் பாடங்களை படித்து தன்னை மாற்றிக்கொள்ளும் முகம் தான் இந்த புவியின் ஈர்ப்பு முகம் !

முகங்களில் மனித வாழ்வை கண்டுபிடிக்க முடியாது. ஆனால் அன்றைய பொழுதின் கணத்தினை கண்டுபிடிக்க முடியும். அதன் மூலம் வாழ்க்கையின் ஆழத்தையும் ! அகத்தின் அழகு அல்ல .. அகத்தில் மறைத்து வைக்கப்பட்டிருக்கும் முகமே வெளியே முகமூடியால் மறைக்கப்படுகிறது. மின்னுவதெலாம் பொன்னல்ல என்பது போல முகமூடிகள் எல்லாம் உண்மை மனிதர்கள் அல்ல என்பது புரிந்தவர்கள் … சிரித்து வாழ்க்கையை கடந்து செல்வார்கள் !

அதெல்லாம் இருக்கட்டும். உங்களிடம் இருக்கும் முகம் என்ன முகம் ? 1 ஆம் முகமா ? 2 ஆம் முகமா ?