Jerspectives : 016

#100Photographs ; 014

#jerspectives

💐💐💐

புனே வுக்கு அருகில் உள்ள மலைப்பகுதிக் காட்சி இது. ஒரு நிமிடம் வாகனத்தை நிறுத்திவிட்டு, அரை மணி நேரம் அமைதியாக அமர்ந்திருந்த பொழுதுகள் அவை !

மலையின் அழகே அது நம்மை நோக்கி இறங்கி வருதலில் இருக்கிறது. இறங்கி வருதல் சொல்லும் செய்திகள் பல. 💐 எப்பேர்ப்பட்ட மனிதனும் ஓர் காலத்தில் இறங்கி வர வேண்டி இருக்கலாம். 💐 எவ்வளவு உறுதி உள்ளே இருந்த போதும் தாழ் பணிவு மிக அவசியம் 💐 பெய்யும் மழையை நிலத்திற்கும், அடிக்கும் வெயிலை தன்னிடமும் வைக்கும் பக்குவம்… இன்னும் சொல்லிக்கொண்டே போகலாம் !

மலைகள் ஆறுகளை போல சலசலப்பை ஏற்படுத்துவதில்லை. இருப்பை அமைதியில் வைத்து ஆனால் அதே இருப்பை கம்பீரமாக வைக்கின்றன. புவியில் மிகச்சிலரிடம் மட்டுமே இருக்கும் அதிசயம் இது. அமைதியாக ஆனால் கம்பீரமாக – இதுதான் மலையின் இலக்கணம் !

மலை ஏறா மனிதனும், மலையின் கீழ் பயணிக்கா மனிதனும் வாழ்ந்து எந்த பயனும் இல்லை. அப்படி வாழாதவன், பிரம்மாண்டம் காணாததால், அவனே அவளே பிரம்மாண்டம் என்று தன்னை பெருமிதம் கொண்டு அவன் அலையக்கூடும். அவனின் வார்த்தைகளையும் இந்த மலை அப்படியே மௌனமாய் கேட்டுக்கொண்டு இருக்கும். அதன் இருப்பு வரம் அப்படி !

நான் சந்தித்த மலைகளில் என்னை மிகவும் கவர்ந்த பகுதி இது. மீண்டும் மீண்டும் பயணிக்க தூண்டும் பசுமை.

என்ன ஒரு தீரா உலா செல்வோமா ?