Jerspective : 041

” Road is A Muted Friend Travels with us .. Forever ! “

நம்முடன் பயணிக்கும் சாலைகள் பேசுவதில்லை. ஆனால் உடன் பயணிக்கின்றன. பேசுவதில்லை. ஆனாலும் புரிந்துகொள்கின்றன. பேசுவதில்லை .. ஆனாலும் நம்மை சேர வேண்டிய இடம் நோக்கி கொண்டு சேர்க்கின்றன. எப்போதும் ! என்ன ஒரு அழகான முரண் ! இப்படியான நட்புக்களை நாம் பெற்று இருக்கிறோமா ?

நட்புக்களில் பல விதம் ..

பேசிக்கொண்டு மட்டுமே இருப்பது.

just பேசிக்கொண்டே இருப்பது.

பேசிக்கொண்டே ஆனால் நம்மை அடுத்த உயரம் நோக்கி அழைத்து செல்வது

பேசுவதில்லை .. ஆனால் நம்மை நாம் விரும்பும் இடம் நோக்கி அழைத்து செல்வது.

நமக்கு இருக்கும் நட்புக்களை அப்புறம் கவனிப்போம். முதலில் நாம் எப்படி இருக்கிறோம் ?

மௌனமாக புரிந்து கொள்ளுதல் போல பெரும் அழகு இந்த உலகில் உண்டா ? அப்படி நாம் நம் நட்புக்களை புரிந்து கொள்கிறோமா ?

நேற்றைய பேச்சில் ..

.. மூவரும் பேசுவதில்லை ஆனாலும் உடனே Connect ஆவோம் என்றார்கள். எவ்வளவு பெரிய வார்த்தை அது ! கவனிக்க வேண்டிய பாடம். கவனிக்கிறோமா ?

இரு யோகிகள் நடந்து கொண்டிருந்தனர். ஒரு யோகி இன்னொரு யோகியை பார்த்து சிரித்ததும் அந்த இன்னொரு யோகி கேட்டார் ..

” எப்படி கண்டுபிடித்தாய் ? “

அங்கே கதை முடிந்து விடுகிறது. நட்பின் / புரிதலின் இலக்கணமாக இந்த கதையை தான் சொல்வேன். பெரும் பேச்சை பேசும் சிறு Zen கதை இது !

என்ன ? உள்ளே என்னவோ செய்கிறதா ? அதிகம் பேசிக்கொண்டே இருக்கிறோமோ ?

யோசிப்போம் !