படமும் கற்றலும் : 028

” அழகு என்று ஒன்று இல்லவே இல்லை. அப்படி இருப்பதாக சொல்லப்படுவதால் ஒரே ஒரு நன்மை தான். அழகுக்காக ஒரு Industry நிறைய தொழில் ஆளுமைகளை உருவாக்குகிறது என்பது மட்டுமே ! “

Katrina Kaif அவரின் பிறந்த நாளுக்கு இந்த புகைப்படத்தை பகிர்ந்த செய்தி ஒன்று மனதை தொட்டது. காரணம் .. அந்த யதார்த்த புகைப்படம். ஒவ்வொரு முறையும் இந்த ” அழகு ” concept ஆளுமைகளை மறைத்துவிட்டு வேறு ஏதோ ஒன்றை நமக்கு Present செய்வது போல இல்லாமல் ” இதுதான் நான் … இதுவே என் முகம் ” என்று தன்னை அவர் தன்னை அறிமுகம் செய்வது.

இருப்பதை அழகாக காண்பிக்க கூடாதா ? என்று ஒரு கேள்வி இங்கே வரும். அந்த கேள்வியை கொஞ்சம் பரிசீலனை செய்வோம்.

காண்பிப்பது – என்பதில் ” யாருக்கு எதற்கு ” என்று ஒரு பக்கம் இருக்கிறது. அதன் பதிலை கண்டுபிடித்தாயிற்றா ?

இருப்பதை அழகாக காண்பிப்பது என்பது Fine. ஆனால் ” இப்படி இருந்தால் தான் அழகு ” என்று அது மாறும்போது ?

அழகு என்பது இளமை plus Make Up எனில், அகத்தில் இருந்து சிரிக்கும் அந்த கிராமத்து பாட்டியின் முகத்திற்கு என்ன பெயர் இடுவது ?

அழகுபடுத்துவது என்பது fine. அது External. Internal அழகு என்று ஒன்று இருக்கிறதே … அது என்ன ?

அதிகாலையில் உடல் கொஞ்சம் சோர்வாக இருக்கிறது என்று மனைவி சொல்லும்போது தலை கோதும் கணவனை பார்த்து மனைவி சிரிக்கும்போது வரும் அழகிற்கு எங்கே Make Up தேவைப்படுகிறது ?

பொது நிகழ்வு ஒன்றில் … ” நீங்கள் உதவியதால் படித்து இன்று Doctor ஆக இருக்கிறேன் ” என்று சொல்வதை கேட்கும் பெண்மணி .. முகத்தில் தெரியும் நிறைவிற்கு ஏன் எந்த அழகுபடுத்துதலும் தேவைப்படவில்லை ?

வயல்வெளியில் வியர்வையில் உழைக்கும் கணவன் … அவனுக்கு உதவி செய்யும் ப

மனைவி .. மரத்தின் தொட்டிலில் தூங்கும் அவர்களின் குழந்தை .. அங்கே மத்திய உணவை சுவைத்து உண்ணும் அதே கணவன் மனைவி … அப்போது ஒருவரை ஒருவர் பார்த்து சிரித்து கொள்ளும் அந்த முகத்திற்கு எந்த ஒப்பனையும் தேவைப்படாது போகிறதே ? ஏன் ?

யோசிப்போம். உள்ளிருந்தும் அழகாவோம்.