நான் எனப்படும் நான் : 172

” Choose Moments – To Speak or Not to Speak. Mostly … not to speak ! “

வித்தியாசமான மனநிலை ஒன்றை இப்போதெல்லாம் கவனிக்கிறேன்.

அதன் சூழ்நிலைகளையும்.

சமீபத்தில் நீண்ட கால நட்புக்களை சந்தித்த போது .. நான் சொல்ல நினைத்ததை தவிர்த்துவிட்டு அமைதியாக கடந்த மனதை கவனித்தால் இந்த மாற்றம் பிடிபடுகிறது. . நினைத்ததை சொல்லவில்லை. சொல்ல முடியவில்லை அல்ல !. சொல்ல விரும்பவில்லை.

சமீபத்தில் சந்தித்த ஒரு நட்பு பேசியவற்றில் உள்ள நெருடல்களை கவனித்தேன். அந்த நட்பிடம் அதை சுட்டிக்காட்ட நினைத்து ஆனால் ” வேண்டாமே ” என்று சொன்ன மனதிற்கு கட்டுப்படவே தோன்றியது.

எப்போதும் பேசிக்கொண்டே இருக்கும் ஒரு நட்பிடம் கேட்பதும் சிரிப்பதுமே பதில்.

காரணங்களை அடுக்கும் மனிதர்களை பார்த்து சிரிக்கவே தோன்றுகிறது.

சரி …ஏன் இப்படி தோன்றுகிறது ?

மனிதர்களின் பேச்சுக்களில் கீழ்கண்டவற்றை கவனிக்கலாம்.

நான் சரி / நீ தவறு / நாம் சரி / அவர்கள் தவறு /மனிதர்கள்.

நான் மட்டுமே சரி மனிதர்கள்.

அவள் அவன் அது சரியில்லை மனிதர்கள்

சமூகம் சரியில்லை மனிதர்கள்

எனக்கு தெரியும் / உனக்கு தெரியாது /எனக்கு மட்டுமே தெரியும் / அவனுக்கு / அவளுக்கு / அதற்கு தெரியாது ..மனிதர்கள்

இதெல்லாம் நான் எப்பொழுதோ செய்து விட்டேன் / நீங்கள் இன்னமும் செய்யவில்லையா …? … மனிதர்கள்

அவளை பார் / அவனை பார் / இது இப்படி செய்திருக்க வேண்டும் /இப்படி செய்திருக்க கூடாது … மனிதர்கள்

இன்னும் பல Classifications ! இவர்களை பார்த்தால் கொஞ்சம் சிரித்து கடந்துவிடவே தோன்றுகிறது.

மனிதம் பற்றிய சிந்தனை பேச்சு செயல் உணர்வு … மனிதர்கள்

புதிய வகை சிந்தனை .. மனிதர்கள்

சமூகம் சார்ந்த மாற்றத்தை உருவாக்கும் மனிதர்கள்

தனி மனித தவறை ஒப்புக்கொள்ளும் மனிதர்கள் / ஒரு தவறை தன் செயலால் மாற்றும் மனிதர்கள்

உதவி செய்வதில் சிறக்கும் மனிதர்கள்

மற்றவர்கள் முன்னேற்றத்தை கண் முன்னே பார்க்க விரும்பும் மனிதர்கள்

இவர்களிடம் நிறைய கேட்க தோன்றுகிறது. ( பேசுவதை விட கேட்கவே ! )

இவர்களிடம் கேட்பதை மற்றவர்களுக்கு எழுத்து, பேச்சு மற்றும் செயலால் பகிர தோன்றுகிறது.

ஒரு நாள் முழுக்க ( தேவையை தவிர்த்து ) பேசாமல் இருந்துவிடவும், நிறைய கேட்கவும் தோன்றுகிறது. ஏற்கெனவே நான் அப்படித்தான் என்றாலும் இப்போது என்னவோ ஒரு Fine Tuning நடப்பதை புரிய முடிகிறது.

அதாவது கேட்க வேண்டும். அதிலும் … தனி மனித / சமூக / பொருளாதார / புதிய வகை சிந்தனை சார் … பேச்சுக்கள், உரையாடல்கள், கேள்விகள், பதில்கள் …போன்றவற்றையே நிறைய கேட்க தோன்றுகிறது.

இப்போதெல்லாம் ” ஆம் நீங்கள் செய்தது சரி ” என்று முடித்துக்கொள்ளவே தோன்றும் யதார்த்தமும், அது ஏற்படுத்தும் ஆழ் மௌனமும் … விவரிக்க முடியா ஆனந்தமாக இருக்கிறது !

யோகியிடம் அவர் கேட்டார் ..

” எல்லோரும் எதையோ பேசிக்கொண்டே இருக்கிறார்கள். யாரையாவது குறை சொல்லிக்கொண்டே இருக்கிறார்கள். யாராலும் அமைதியாக இருக்க முடியவில்லை. ஏன் ? “

யோகி மௌனமாகவே இருந்தார்.!