நான் எனப்படும் நான் : 176

” A Book and A Lonely Train Journey – brings Next level PEACE within “

என் ஆரம்ப காலத்தின் பயிற்சியாளர் வாழ்க்கையின் பெரும்பாலான நாட்கள் … இரயில் பயணங்களில் அழகாக கழிந்திருக்கின்றன. இந்தியா முழுக்க / ரயிலில் / என் வாகனத்தில் / விமானத்தில் பயணித்திருக்கிறேன். இந்த பயணங்களில் மிக மிக மனதிற்கு நெருக்கமானது இரயில் பயணம் மட்டுமே. என் வாகனப் பயணம் சுகமானது. ஆனால் மனதிற்கு மிக நெருக்கமானது இரயில் பயணம். ஏன் அப்படி ?

வாகனம் ஓட்டும் பொறுப்பு என்னிடம் இருந்து விலகுகிறது. முழுமையாக சுதந்திரமாக ஒரு பயண அனுபவம் !.

ஓடும் இரயிலில் சாளரம் வழி உலகம் கவனிப்பது ஒரு Dissociated அனுபவம்.

புத்தகம் படிப்பதும், சாளரம் வழி பார்த்து புத்தகம் சொல்லும் அர்த்தத்தை அசை போடுவதுமான ஆழமான நேரமும் அப்படி வாழும் அனுபவமும்.

எனக்கு அருகே எதிரே யார் இருந்தாலும் .. என் தனிமையை நான் பெறும் அனுபவம்.

இப்படி பல புத்தகங்களை இரயில் பயணங்களில் படித்திருக்கிறேன். பசித்திருக்கிறேன். இரவெல்லாம் படிக்க வேண்டுமே என்பதற்காக யாரும் அற்ற இடங்களில் என் இருக்கையை மாற்றிக்கொள்வது / விளக்கு சரியாக இருக்கிறதா என்று check செய்வது …என்று ஒரு பரபரப்பு என்னுள் இருந்த காலங்கள் அவை !

அப்படி டெல்லியில் இருந்து அகமதாபாத் செல்வதற்குள் படித்து ருசித்த புத்தகம் தான் The Alchemist ! அந்த புத்தகத்தை நான் முடித்த போது …என்னுள் இருந்து நான் விடுபட்ட உணர்வு. அப்படி ஒரு உணர்வை வேறு புத்தகங்களில் நான் பெறவில்லை ! அந்த புத்தகம் படித்த Riyas Mohamed Ali சமீபத்தில் ஒரு காணொளியை பகிர்ந்த போது எனக்கு டெல்லி அகமதாபாத் பயணமும் அப்போது கிடைத்த அந்த விடுபட்ட உணர்வும் … மீண்டும் ஞாபகத்தில் !

” After Completing a Book, it starts its inner Journey within us – Unconsciously “

படுத்துக்கொண்டு படிப்பது ஒரு சுகம் என்றால் … அமர்ந்து படிப்பது மற்றோர் சுகம். புத்தகத்தை எதிரே இருக்கும் stand ல் அவ்வப்போது வைத்துவிட்டு .. சாளரம் பார்க்கும் சுகம் மிக மிக ஏகாந்தமான ஒன்று. அதிலும் சாளரம் வழி வரும் தூறல் கலந்த காற்றும், நகரும் முடிக்கற்றையும் … தனி மனித Max மகிழ் கணங்கள்.

” Seeing through a Fixed Window of a Moving Train .. is an Available Blessing “

இப்போது படிக்கும் ஒரு புத்தகம் எனக்குள் புதிய பார்வையை கொண்டு வரும் ஒன்று. ” அட .. ” என்று மீண்டும் மீண்டும் சொல்ல வைக்கும் அந்த புத்தகத்தை கவனிக்கிறேன். எழுதியவருக்கு எம் மனம் நிறை நன்றிகள். ஒரு முறை எழுதிவிட்டு படிக்கும் கோடானு கோடி மனங்களை மாற்ற முடியும் எனில் .. ஒவ்வொரு எழுத்தாளரும் இறைவன் / இறைவி தான் ! எங்கோ இருப்பதாக சொல்லும் இறைவனை தேடுவதை விட இங்கே இருக்கும் நல்ல எண்ணத்தை ஆழ் மனதில் கொண்டு வரும் எழுத்தாளர்களின் இறைத் தன்மையை மனம் ஆற வாழ்த்தலாம்.

வாழ்த்துவோம்.

March 2 ஆம் தேதி Chennai Book Fair க்கு செல்லத்தான் இந்த பயணம். அங்கே புத்தகங்களை சந்திக்க ஆவலாக பயணிக்கிறேன் – எனக்கு பிடித்த இரயில் பயணத்துடன் !

” When We finish a book, We open a New Life “