Jerspectives : 007

இவ்வளவு அழகாய் உலகம் காண முடியுமா ? உத்தராகண்டில் ஆளி யில் இருக்கிறது இப்படி ஒரு உலகம் !

யாருமற்ற புல்வெளியும், மேகம் நிறைந்த வானும் ஏன் நம்மை உடன் வசீகரிக்கிறது ? மலைப்பகுதி ஒன்று தலைகீழ் முக்கோணமாக, மேகம் தொட்டு நின்றால் ஏன் நம்மை கவர்கிறது ? நீல நீள் கடல் ? ஒற்றையடி பாதை ? எல்லையில் இணையும் தண்டவாளம் ? பெய்யும் மழை ? வீசும் தென்றல் ? ஏன் இவையெல்லாம் நம்மை கவர்கின்றன ?

ஒரு ஒற்றுமை இவை அனைத்திற்கும் உண்டு. ஆம். இவை அனைத்திலும் மனிதர்கள் இருப்பதில்லை. மனிதர்கள் அற்ற பிரபஞ்சத்தை மனிதன் ரசிக்கிறான். என்ன ஒரு முரண் !

பெரு வெளியின் தனிமை தான் இயற்கையின் பெரும் பலம். விலைக்கு வாங்க முடியா, செயற்கையாய் உருவாக்க முடியா … தனித்தன்மை இது. இந்த உலகின் அனைத்து கட்டிட முயற்சிகளும் கடைசியில் பெருவெளியின் முன் தோற்று தலை கவிழ்ந்து நிற்கின்றன. ஆம். பெருவெளியின் தனிமையை எந்த மனிதனாலும் வாங்கவே முடியாது.

இமயமலை ஒரு பெருவெளி தனிமையின் உதாரண குறும்படம். அங்கே பார்த்தவற்றை விட பார்க்காதவைகளே அதிகம். வாழ்க்கை இன்னும் அதன் சிறகுப் பக்கங்களில் இருக்க, நாம் சில பக்கங்களின் சில வார்த்தைகளை படித்துவிட்டு பிரமிக்கிறோம்.

பிரபஞ்ச பெருவெளியின் தனிமை உணர்வார் – மனிதரில் தனித்து தெரிவார்.

அப்படி தெரிய முன் வாழ்த்துக்கள்.