Jerspectives : 009

#100Photographs

007

#jerspectives

💐💐💐

காலு விநாயக் கோவில், roopkund செல்லும் வழியில், உத்தராகண்டில் – நான் சந்தித்த பிள்ளையார் கோவில். இந்த கோவிலுக்கென்று சில சிறப்புகள் உண்டு. அதில் முக்கியமான ஒன்று … மொத்த மலையும் பனியால் மூடப்பட்ட போதும் .. இந்த கற்களால் செய்யப்பட்ட காலு விநாயக் கோவில் பனி மூடப்படாது இப்படியே காட்சி அளிக்கும். இது என்ன அதிசயம் என்றே புரியவில்லை என்பது பலரின் ஆச்சர்யம் !

நான் பொதுவாக கோவில், ஸ்வாமி, பிரார்த்தனை எல்லாம் செய்வது இல்லை. இயற்கை எம்மை, உம்மை, நம்மை .. பார்த்துக்கொள்ளும் என்ற அசாத்திய தைரிய மனிதன் நான் ! வேண்டுதல் போல இயற்கையை insult செய்யும் நிகழ்வு இல்லை. ( அது ஒரு மனித இயலாமையும் கூட ! ). வேண்டுதலுக்கு பின் மட்டும் தான் .. இயற்கை அருள் செய்கிறது என்றால், அந்த இயற்கை போல .. ஒரு அகம்பாவம் பிடித்தது எதுவும் இல்லை.

இயற்கை ஓர் பெரும் குறியீடு. பெரிய கணக்கீடு. பெரும் ஆச்சர்யம். பெரும் அதிசயம். அதற்கு நன்றாகவே தெரியும் – இன்ன நேரத்தில் இவன் இவள் இங்கே இப்படி இதற்காக இருக்க வேண்டும் என்பது. அதை அது பார்த்துக்கொள்ளும் என்பதால் என்னை நான் பார்த்துக்கொள்ள முயற்சிப்பது இல்லை. அதன் ஓர் பகுதி தானே நான் ?

இயற்கையையே தாசிக்காத நான் மனிதனிடமா தாசிக்க போகிறேன் ? மனிதன் உருவாக்கிய கடவுளிடமா தாசிக்க போகிறேன் ? பிள்ளையார் என்றாலும் / எந்த கடவுள் என்றாலும் அவர்கள் மனிதனால் உருவாக்கப்பட்டவர்கள். மனிதனின் சுய நல பயத்தின் பய வெளிப்பாடு கடவுள். அதே மனிதனின் பயமற்ற, நம்பும் தன்மையின் வெளிப்பாடு இயற்கையை நம்புதல் !

சரி .. அங்கே வேண்டிக்கொண்டு இருக்கிறீர்களே ? ஆம். அப்போதைய சூழ்நிலையில் ஒரு குடும்பத்தின் பெண் குழந்தைக்கு எம் வேண்டுதலை சமர்ப்பிக்க சொல்லி கேட்ட நட்பிற்கு, அந்த வேண்டுதலை முழு மனதுடன் செய்து கொடுத்தேன். ( பெண் குழந்தை இன்று சிறப்பாக வாழ்கிறது ! ). அங்கே இருக்கிறது இயற்கையின் கணக்கீடு. Trekking சென்ற என்னை, இந்த வழிபாட்டினை, 10000 அடிக்கு மேல் உள்ள காலு விநாயக் கோவிலில் .. நட்பின் பெண் குழந்தைக்கு என்று வேண்ட வைத்து, அது நிறைவேறி, அதற்கு அவர்கள் மகிழ்ந்து .. என்னை இன்னமும் பாராட்டும்போது .. ” நான் என்ன செய்தேன் ” என்று நான் வியக்க .. சில்மிஷமாய் சிரிக்கும் இயற்கையை என்னவென்று சொல்வது ?

எங்கே எந்த இடத்தில் எந்த நேரத்தில் எம்மை கொண்டு சேர்க்கவேண்டும் என்று இயற்கைக்கு தெரியும்.

அனைவர்க்கும் பிள்ளையார் சதுர்த்தி வாழ்த்துக்கள்.