Jerspectives : 017

#100Photographs : 015

#jerspectives

💐💐💐💐

வனத்திற்குள் செல்வது போல ஒரு அனுபவம் வேறு எதுவும் இருக்க வாய்ப்பில்லை. வனம் தன்னை “அப்படியே” வைத்திருக்கிறது. மனிதன் மாறி விட்டான். ” அப்படியே ” வைத்திருப்பதால் தான் வனம் தன்னிடம் வரும் மனிதனை புதுப்பித்து அனுப்புகிறது.

மனிதனுக்குள் பல மாற்றங்கள். ஆடை அணிகிறேன், நாகரிமாக இருக்கிறேன் என்று ஆரம்பித்து இன்று அதே ஆடையை கிழித்து அல்லது குறைத்து அணிவது வரை மனிதன் கிட்டத்தட்ட மனநோய் நிலைக்கு சென்று இருக்கிறான். ஆனால் வனம் ” அப்படியே ” இருக்கிறது !

வனத்தில் இருந்து வெளியே வந்த அவன் வீடு ஒன்றை கட்டி தன்னை வனத் தொப்புள் கொடியிடம் இருந்து பிரித்து கொண்ட போது .. அதிர்ந்த வனம் அதனால் தான் இன்றுவரை மௌனமாக நிற்கிறதோ என்னவோ ? தாய் மறந்த அவனை மன்னித்து நிற்கும் வனமாகவே எனக்கு வனம் தெரிகிறது.

அப்படியெல்லாம் வாழ்ந்த மனிதன் இப்போது கடைசியாக வனத்தையே அழிக்க ஆரம்பித்து இருக்கிறான். தான் அமர்ந்த கிளையை தானே அவன் வெட்டுவதை பார்க்கும் வனம் இப்போதும் அமைதியாகவே இருக்கிறது. ஏதோ ஒரு நாள் வனம் எழுந்து தாண்டவ ஆட்டம் போடத்தான் போகிறது. அன்று தான் அவனுக்கு புரியும் – வனத்தின் பலம் !

அவன் யோசிக்க வேண்டிய தருணம் இது

( வயநாட்டில் வனத்திற்குள் சென்ற போது எடுத்த புகைப்படம் இது. )