The Covid 19 Pages : Day 01 / 02

முதலில் இரு பார்வைகளை இங்கே வைக்கிறேன்.

1. மருத்துவ ரீதியாக சொல்லப்படும் எந்த பார்வைகளையும், மருந்துகளையும், ஓய்வையும் முழுவதுமாக Follow செய்கிறேன். அதில் Compromise என்பதே இல்லை.

2. நாணயத்தின் இரண்டாம் பக்கம் என்பது மனம் ! அதை சரியாக வைத்திருப்பது மிக முக்கியம் ! மிக மிக. மனதில் Weakness வந்துவிட்டால் எந்த மருத்துவத்தாலும் குணப்படுத்த வாய்ப்பில்லை !

அந்த இரண்டாம் பார்வையை தான் இங்கே பகிர்கிறேன். அதனால் முதல் பார்வையை சரியாக செய்யவில்லை அல்லது கவனிக்கவில்லை என்று அர்த்தம் அல்ல !

” நமக்கு Covid19 இருக்கலாம் ” என்று நினைத்தவுடன் .. நம்மிடம் என்ன நடக்கிறது என்று பார்ப்போம்.

என்னுடைய மனதின் பதில்கள் ( ) அடைப்பு குறிக்குள் !

எனக்கா ? எனக்குமா ? எப்படி ? நான் சரியாகத்தானே இருந்தேன் ? வாய்ப்பே இல்லையே ? ( Alright .. What Next ? )

உடல் சோர்கிறது. காயத்தின் ஆய்ச்சல் ( காய்ச்சல் ) அதிகம் ஆகிறது. பெரும் தலைவலி ! Joints களில் அப்படி ஒரு வலி. குரல் கொஞ்சம் தடுமாற ஆரம்பிக்கிறது. நிற்க முடியாது போகிறது. எழுவது பெரும் சாதனையாய் தெரிகிறது. ( இயற்கை எதற்கோ என்னை தயார் செய்கிறது ! )

Oxygen அளவு குறையும்போது .. ஒருவிதமான கேள்விகள் எழ ஆரம்பித்து .. எதையோ எண்ண வைக்கிறது. ( If so, I have done my Best on Earth ! Hahaha )

Swab test, Ambulance, CT scan, ECG … அத்தனையும் புதிது என்பதால் … ஒருவிதமான “என்னடா இதெல்லாம் ” சிரிப்பு எழ ஆரம்பிக்கிறது. ( Result ஐ மாற்ற முடியாது. மாற்ற வேண்டியது நம்மை மட்டுமே ! )

CT ECG யில் ஒன்றும் இல்லை என்று வந்தவுடன் .. Swab என்ன சொல்லும் என்று scolling ஆக ஓடிக்கொண்டு இருக்கிறது. ( சரி நமக்கு பிடித்த fav Scenes எல்லாவற்றையும் இப்போது பார்க்க வேண்டியது தான் ! )

Swab டெஸ்டில் இருக்கிறது என்று வந்தாயிற்று. ( அனைவரின் நம்பிக்கை பின்னூட்டங்களும் மற்றும் Happiness Requires Nothing சிறுவர்கள் எனக்கு அனுப்பிய வீடியோவை Compile செய்து

அனுப்பியதும் ! Comment இல் பகிர்கிறேன். )

14 நாட்கள் தனியாக இருக்க போகிறாய் என்று கண்ணில் நீருடன் அம்மா, அதே வருத்தத்தில் அப்பா, தங்கைகள், மருமகள், மருமகன் … ( #நான்வீழ்வேனென்றுநினைத்தாயோ )

யாருடனும் பேசாதீர்கள், Social Media பக்கம் வர வேண்டாம், நன்கு ஓய்வெடுங்கள் .. என்ற அன்புக் குரல்கள். ( ஹ்ம்ம். அப்படி என்றால் .. இங்கே தான் நம் எழுத்து வர வேண்டும். ஏன் இப்படி ஒரு பார்வை ?. Covid 19 இல் இருந்தால் எழுதக்கூடாது என்று எதுவும் இருக்கிறதா என்ன ? அதை முதலில் செய்ய வேண்டும். குறிப்பு ; எனக்கு எழுத்து கொடுக்கும் துணிவு வேறு உயரம். அதை என் எழுத்தே சொல்லும் ! இங்கும் எங்கும் ! வாழும்போதும் வாழ்க்கைக்கு பின்னும் ! )

சரி சரி .. அந்த Fav Scenes லாம் என்ன ? என்று தானே கேட்க தோன்றுகிறது. நிறைய. அதில் ஒன்றே ஒன்று மட்டும் இங்கே சொல்கிறேன்.

” கண்ணுல திமிரு

உன்ன rod எடுக்க வந்தாரு….

தலைவன் வேற ரகம்

பாத்து விளையாடு ! “

பின்னே ? நாம் கட்டமைதிருக்கும் பிம்பங்களை தான் மனம் நம்பும். முழுமையாக ! சினிமா வின் உதவி இங்கே தான் தேவை. இங்கே கூட உதவவில்லை எனில் அதை ஏன் நாம் பார்க்க வேண்டும் ? ஒவ்வொருவருக்கும் ஒரு Energy Booster. எனக்கு இப்படி பல Scenes from Cinema ! ஒவ்வொரு பதிவிலும் ஒவ்வொன்றை Share செய்கிறேன்.

நான் சமீபத்தில் Covid19 இல் இருந்த ஒரு ஆளுமைக்கு சொன்ன வார்த்தைகள் இவை.

” மருந்து அது வேலையை பார்க்கட்டும். மனசை நீங்க பார்த்துக்குங்க “

அது எனக்கும் தானே பொருந்தும் ?